Te reja nga fshati

35 vjeçarja nga Nerashti var veten

Trupin e vdekur të saj e ka gjetur motra e vogël ku më pastaj ka thirur të tjerët për të nxjerur trupin e motrës. Ekipet e MPB-së Prokuroria dhe mjeku ligjorë pasi bënë hetim të rastit nuk gjetën gjurmë tjera ku më pastaj trupin ia dorëzuan familjes për varrim.

35 vjeçarja N.R nga fshati Nerashtë i Komunës së Tearcës, i ka dhënë fund jetës së saj duke u varur në litarë në kasollën afër shtëpisë. Ngjarja ka ndodhur të hënën pasdite kur të afërmit e saj e kanë gjetur të varur pa shenja për jetë. “Trupin e saj të pajetë e ka gjetur motra më e vogël, e cila e para e ka vërejtur dhe menjëherë ka thirrur edhe të tjerët për ta nxjerrë nga kasolla. Prokurori publik së bashku me ekipet e Sektorit për Punë të Brendshme dhe mjeku i mjekësisë ligjore kanë kryer hetime në vendin e ngjarjes me ç`rast nuk janë gjetur shenja dhune ndërsa më pas trupi i dorëzuar familjes për varrim”, njofton Policia e Tetovës. Ende nuk dihen motivet që çuan 35 vjeçaren të kryejë vetëvrasje. Sipas burimeve jozyrtare, 35 vjeçarja edhe më parë kishte provuar të bëjë vetëvrasje mirëpo është shpëtuar nga fqinjët, ndërsa një kohë të gjatë është përballur me probleme shëndetësore. Ndryshe, sipas informacioneve të Policisë së Tetovës, këtë vit në rajonin e Tetovës dhe Gostivarit janë regjistruar gjithsej 4 vetëvrasje, edhe atë dy në Tetovë dhe dy në Gostivarë. “Vitin e kaluar në rajonin e Tetovës dhe Gostivarit gjithsej ka pasur 19 vetëvrasje, kurse viti 2013 është vit rekord në këtë dy qytete për nga numri i vetëvrasjeve ku ishin regjistruar 21. Në ndërkohë këtë vit duke përfshirë edhe vetëvrasjen e fundit në Nerasht gjithsej janë 4 raste të vetëvrasjeve”, tha Marijan Josifovski zëdhënës i Sektorit për Punë të Brendshme në Tetovë. Ndërkohë që në këta dy qytete gjithsej janë regjistruar 19 tentime për vetëvrasje. Nga Policia e Tetovës kanë njoftuar se tentimet për vetëvrasje janë të ndryshme, duke filluar nga konsumimi i tepruar i tabletave, konsumimi i detergjenteve dhe alkoolit.

Rrahje masive në qendër të Nerashtit

Incidenti ka ndodhur të mërkurën mbrëma rreth orës 20 e 30 minuta, para një internet kafe në këtë fshat ku kanë marrë pjes dy grupe banorë të këtij fshati. Sipas Policisë së Tetovës, gjatë rrahjes grupet kanë përdorur sende të ndryshme, shkopinj gome, boksa metali etj

Rahje masive e të dy grupeve në fshatin Nerasht, komuna e Tearcës. Incidenti ka ndodhur të mërkurën mbrëma rreth orës 20 e 30 minuta, para një internet kafe në këtë fshat ku kanë marrë pjes dy grupe banorë të këtij fshati. Sipas Policisë së Tetovës, gjatë rrahjes grupet kanë përdorur sende të ndryshme, shkopinj gome, boksa metali etj.

“Para objektit të internet kafes në qendër të fshatit në rrahje kanë marrë pjesë, N.R (40), A.R (19) nga njëra anë dhe nga grupa tjetër F.A (29) dhe disa persona tjerë identiteti I të cilëve ende nuk dihet. Të dy grupet fizikisht janë përleshur edhe para dhjetë ditëve për shkak të disa mosmarrëveshjeve në lidhje me një nga familjarët e pjesëmarrësve në rrahjen e së mërkurës.

Gjatë rrahjes lëndime kanë marrë (N.R), (A.F), (A.R) dhe (F.A), ndërsa më keq ka kaluar (A.R) I cili është mbajtur për kurim të mëtejshme në Spitalin Klinik të Tetovës”, bëri të ditur policia e Tetovës.

Jozyrtarisht mësohet se bëhet fjalë për hakmarrje pasi që dhjetë ditë më parë një nga të afërmit e grupit të parë është rahur nga grupi i dytë, ndërsa motivet kanë qenë banale.Policia ka dalur në vendin e ngjarjes ndërsa nga (N.R) është marrë një thikë. SPB-ja e Tetovës, ka ndërmarrë të gjitha masat dhe aktivitetet për zbardhjen e plotë të prishjes së rendit dhe qetësisë publike dhe më pas do të ketë edhe padi adekuate.

Tearca lidhet me Shkupin

Ndryshe, aktualisht në disa raste për në Shkup, banorët e Komunës së Tearcës e shfrytëzojnë rrugën Jegunoc-Shkup, ndërsa me këtë lidhje do të shfrytëzohet rruga nga fshati Nerasht. Gjatë luftës së 2001-shit, kjo rrugë është hapur dhe shfrytëzuar nga banorët e Komunës së Tearcës për komunikim me Radushën.

Shkurtohet rruga e banorëve të Komunës së Tearcës për në Shkup. Nëse banorët e kësaj ane deri më tash duhej të vinin së pari në Tetovë dhe pastaj për në Shkup, për një kohë të shkurtë pritet që të aktivizohet rruga Nerasht – Jegunoc – Radushë deri në Shkup. Aktualisht ka filluar faza e parë e rregullimit të kësaj rruge e cila ka një gjerësi prej 5 metra dhe gjatësi rreth dy kilometra. Mjetet për rregullimin e kësaj rruge i ka ndarë Banka Evropiane për Zhvillim. Kryetari i Komunës së Tearcës, Isen Asani, të martën ka qenduar për vizitë në fshatin Nerashtë, në pjesën ku punohet për rregullimin e rrugës. Ai thotë se kjo do të ndihmojë shumë në shkarkimin e rrugës Jazhincë-Tetovë.

“Në vazhdën e projekteve për përmirësimin e infrastukturës tonë kësaj radhe punohet në hapjen e rrugës nga fshati Nerasht që do të lidhet me Komunën e Jegunocit, pastaj fshatrat Vorcë drejt Radushës, në kontekst kjo rrugë do të jetë një rrugë më rëndësi vitale për të gjithë banorët e Komunës së Tearcës. Duke filluar nga Nerashti, fshati Dobrosht deri në kufi në fshatin Jazhincë, për arsye se nesër qytetarët që do të lëvizin në këtë rrugë, pra shkurtohet rruga për në Shkup të paktën 20 apo30 kilometra. Prej fshatit Nerasht deri në Tetovë ka të paktën 20 kilometra, pra qytetarët arrijnë në Shkup duke i ikur rrugës regjionale Tetovë – Jazhincë, rrugë që është e ngarkuar dhe për fat të keq mban epitetin rruga e vdekjes. Kështu me ndërtimin e kësaj rruge do të shkarkohet rruga Tetovë- Jazhincë, kurse për këtë rrugë mjetet janë të siguruara nga banka evropiane për investime dhe kap vlerën mbi 200 mijë euro, pra jemi në fazën e fillimit dhe besoj se nëse nuk del ndonjë problem, do të jemi gati për dy muaj në aktin final”, deklaroi Hasani. Ndryshe, aktualisht në disa raste për në Shkup, banorët e Komunës së Tearcës e shfrytëzojnë rrugën Jegunoc-Shkup, ndërsa me këtë lidhje do të shfrytëzohet rruga nga fshati Nerasht. Gjatë luftës së 2001-shit, kjo rrugë është hapur dhe shfrytëzuar nga banorët e Komunës së Tearcës për komunikim me Radushën.

Aksident në Tearcë, vjedhje ne Nerasht

Football refers to a number of sports that involve, to varying degrees, kicking a ball with the foot to score a goal. Unqualified, the word football is understood to refer to whichever form of football is the most popular in the regional context in which the word appears.