Mërgatës së Nerashtit pjesërisht i’u hiqet e drejta e votës, emrat e tyre dhe hapat për rikthim në listë

Kujdes! Kur partia shqiptare në pushtet thotë “jo nuk do të lejojmë të ju ndodh kjo shqiptarëve” ajo vetëm se ka ndodhur më!

Të nderuar mërgimtarë, poshtë këtij teksti i keni 5 faqe me emra dhe mbiemra të votesve që janë fshirë nga lista zgjedhore në f. Nerasht, d.m.th ju është hequr e drejta e votës përgjithmonë.

Çka duhet të bëni ju?

Personat emrat e të cilëve ndodhen në listë patjetër duhet të paraqiten në KQZ që të mund ta ruajnë të drejtën e votës! Ju lutemi që çdo viktimë e këtij akti të paturpshëm të paraqitet tek zyrat e KQZ ose përmes ueb faqes www.sec.mk dhe të kërkojnë të ju kthehet e drejta e tyre e votës dhe se nuk janë të ashtuquajtur “votues fiktiv” por qytetarë bujarë të këtij vendi.

KQZ / Adresa & Kontakti:
Rruga: Kirili dhe Metodi, nr.54, Shkup 1000
E-mail: [email protected]
Telefoni: +389 2 3244744
Fax: +389 2 3244745
[email protected]

Linqe:
https://izbirackispisok.gov.mk/
http://www.sec.mk/category/lajmerime/?lang=sq
http://www.sec.mk/kontakt/?lang=sq

F1 F2 F3 F4 F5

Ujësjellësi jofunksional – Komuna ka bërë ndërprerje të jashtëligjshme!

Komuna e Tearcës e ka ndërprerë ujin e Nerashtit të po kësaj komune në mënyrë të jashtëligjshme. Tashmë më shumë se 5 mijë banorë të këtij fshati e pinë ujin e vjetër, absolutisht i papijshëm, ngase ndërprerja e ujit të ri, për të cilin janë harxhuar mijëra euro dhe i cili Nerashtit i ka kushtuar shkatërrim i plotë i rrugëve të fshatit, është bërë plotësisht jashtë çdo rregulle ligjore.

Tashmë nëpër fshat qarkullojnë zërat se EVN-ja e ka ndërprerë ujin shkaku i faturave të papaguara, një gjë e këtillë është absolutisht e pavërtetë. Mënyra e ndërprerjes është në kundërshtim me Ligjin me furnizim me ujë të pijshëm, Neni 33, Pika 1 (Gazeta Zyrtare e RM-së, nr. 68/04,28/06, 103/06, 17/11, 54/11 dhe 163/13. Pra, ndërprerja është bërë pa vërejtje paraprake.

Problem tjetër është edhe sasia e parave të caktuara për pagesë, e cila është venduar pa asnjë standard, pa matës, në një projekt të dështuar ku vetëm 25% e fshatit furnizohet me ujë, ndërkaq Komuna e Tearcës me gojën plot e ka cilësuar këtë projekt si TË SUKSESSHËM.

A nuk ishte kjo një tentim per vjedhje, ama me ligj?

Tashmë dihet se lëshimi i ujit të Ri në fshat për më shumë banorë, respektivisht madje edhe për më pak se gjysmën e fshatit (sepse vetëm 25% e fshatit u furnizua atë pak kohë me ujin e ri), i kushton shtrenjtë NERASHTIT, sepse sistemi është i tillë që nuk lejon furnizimin për më shumë banorë. Pra, nëse lëshohet më shumë ujë, ka rrezik për plasjen e gypave të venduar gjatë këtij projekti, të cilët u vunë e u hoqën më shumë se një herë, e që së paku 1 herë dështuan vetëm gjatë provës.
Dikush po mundohet të na mashtrojë në sy, po NE, që i helmuam fëmijët me ujin E AFRIKËS në mes të SHARRIT, a do të heshtim ende?

UJS

Nerashti dy javë pa ujë të pijshëm (VIDEO)

Ndonëse se para një viti u lëshuar në përdorim ujësjellësi i ri, banorët e fshatit Nerasht të komunës së Tearcës prej dy javësh kanë ngelur pa ujë për pije. Sipas banorëve, nuk bëhet fjalë për defekt në rrjetin e ri por problemi qëndron tek faturat e pashlyera.
“Ka dy javë që është ndal uji sërish e kemi ujin e vjetër, e kanë shty në gypa atë, ama për të pijë nuk bën”.
“Ne jemi në mëhallën e epërme ujë nuk ka tek ne, marrim ujin e motshëm ska shtypje nuk mbërrin te ne atje”.
“Ujë kemi por prej fushës Odrit, ky i riu nuk mbërrin deri tek ne”.
Nga ndërmarrja publike komunale ‘Higjiena’ thonë se defekti është shkaktuar si pasojë e disa banorëve të pandërgjegjshëm që janë kyçur në sistem në mënyrë ilegale.
“Atje keqpërdoret uji i pijes për vaditje të bahçeve. U deklaruan mbi 1000 shtëpi se janë pa ujë sipas Alsatit, por në të vërtetë ato nuk pranojnë as marrëveshje për kyçje në sistem. Shkojnë e ndalin vet pompën edhe pse nuk kanë të drejtë ta prekin sistemin pa na tregu neve. Duhet të lajmërojnë që të kyçim pompat mos vij deri tek defekti, sikurse ka ndodh tash njëra pompë ka defekt”, tha Mefail Miftari, drejtor i NPK “Higjiena” Tearcë.
Kreu i komunës së Tearcës Isen Asani, ka kërkuar një takim me banorët, përfaqësuesit e bashkësisë lokale dhe imamin e xhamisë së fshatit, për të gjetur një zgjidhje këtë problem. Sipas Asanit, banorët disa herë kanë refuzuar takimin me autoritet lokale.

https://www.facebook.com/nerashti/videos/1331686226847318/

Avokati i Popullit: I burgosuri nga Nerashti nuk është rrëzuar, por është keqtrajtuar

Rasti me të burgosurin nga Nerashti i Tetovës në burgun e Shtipit ka alarmuar institucionet të cilat dyshojnë se ai është keqtrajtuar dhe jo vet-lënduar, transmeton Alsat-M.

Inspektorët nga Drejtoria dhe përfaqësues të Avokatit të Popullit dje kanë qenë në burg dhe dyshojnë se ai është keqtrajtuar.

Memeti dyshon në dy skenarë. Ose e kanë rrahur të burgosurit e tjerë ose e kanë rrahur gardianët e burgut. Edhe pse burgu është nën video mbikëqyrje, megjithatë rasti nuk është i regjistruar, për shkak se siç deklaroi për Alsat M, drejtorja e Drejtorisë për Ekzekutimin e sanksioneve Lidija Gavriloska kamerat në atë moment nuk kanë punuar. Avokati i Popullit kërkon që Prokuroria publike të nisë hetim për këtë rast. /lajm/

Nerashti, po shkëlqen në futboll

Sot ka filluar gjysëmvjetori i dytë i Ligës së Katërt në futboll. Në grupin Veriperëndimor po garojnë ekipe të ndryshme nga Tetova me rrethinë, e që tabelën po e udhëheq ekipi i fshatit Nerasht, i riaktivizuar pas një pauze disavjeçare. Si kampion i sezonit vjeshtor, Nerashti sot u përballë me ekipin e Shemshovës të cilin e mposhti me rezultatin 4-1, në stadiumin e Tearcës. Me këtë fitore, Nerashti ka grumbulluar 25 pikë e që ndiqet nga KF BESA me dy pikë më pak.

Jeton Shaqiri, Albërim Ameti dhe Izair Emini tundën portat

Në minutat e para të lojës, ekipi i KF Nerashtit arriti të shënojë në portën e shemshovasëve me anë të Jeton Shaqirit, e që më vonë u dyfishua rezultati me golin e Albërim Ametit. Për të shkuar të sigurtë në pushimin ndërmjetë dy pjesëve, Nerashti shënon edhe njëherë me anë të Jeton Shaqirit, duke ngritur epërsinë në 3-0, por rezultati pak para përfundimit të pjesës së parë u ngushtua me anë të Izair Eminit. Pjesa e dytë ishte edhe më e bukur por pa shumë gola. Goli i vetëm i shënuar në këtë pjesë ishte një eurogol, i shënuar nga Albërim Ameti nga një distancë shumë e madhe, që edhe vulosi rezultatin përfundimtar 4-1. KF Nerashi gjatë rrugëtimit disa mujor në ligën e katërt ka arritur të shënojë 34 gola, kurse ka pranuar vetëm 6.

Vullneti i mirë e mbanë ekipin gjallë

Ekipi i KF Nerashtit ekziston falë vullnetit të mirë nga të rinjët e këtij fshati që janë angazhuar në mënyrë vullnetare duke mos pasur asnjë kompenzim financiar për punën e tyre. Megjithatë banorët dhe mërgata kanë ndihmuar në mënyrë vullnetare mbarëvajtjen dhe pagesat e nevojshme të klubit për të garuar në Ligën e Maqedonisë. Nëse ndodh që ekipi të kualifikohet në Ligën e Tretë atëherë duhet që të sigurohen 10 mijë euro të nevojshme për të garuar në këtë ligë, e që fatkeqësisht ky ekip e ka rëndë për ti grumbulluar. Udhëheqësia e këtij ekipi shpresojnë që të gjejnë ndonjë zgjidhje me qëllim që ëndra e të rinjëve për tu kualifikuar më lartë të bëhet realitet.

basria

ekipi

goli-4

kfnerasht

nerashti

DEBAT: Amir Elezi nga Nerashti përballë 3 maqedonasve në TV Nova!

z. Amir Elezi nga f. Nerasht, në debatin e organizuar nga TV Nova “Otvoreno Studio”, edhe pse në paraqitjen e tij të parë televizive, i ka lënë gojëhapur politikanët maqedonas të cilët janë me përvojë shumëvjeçare. Në këtë debat të ftuar ishin politikanët: Kiro Guzliev nga LP, Viktor Cvetkosk nga GROM, Zoran Shapuriq nga LDP dhe Amir Elezi si përfaqsues i Lëvizjes BESA.

Përderisa z. Amir Elezi thonte se kriza e thellë në Maqedoni nuk është sjellë nga jashtë, por se ajo është krijuar nga aktorët politik të kriminalizuar, dhe se duhet të ketë një regjistrim të popullatës për të patur zgjedhje kredibile, këtu i ka replikuar Cvetkosvi nga GROM – i: “Kur e dëgjojë z. Elezin më duket se më krijohet përshtypja se nuk i njeh rrjedhat politike në Maqedoni. Nuk mund të pajtohem se nuk kemi kapacitete dhe se të gjithë politikanët janë të kriminalizuar dhe duhet t’u besojmë institucioneve.”

Elezi pasi dëgjoi argumentimet e Cvetokovskit nga GROM në fund e pyeti atë: “Si u ndjetë ju si partnerë i kësaj Qeverie, kur Ministrja e Punëve të Brendshme i ofendonte bashkëqytetarët e tuaj shqiptarë?!”

Shumë komente nëpër rrjete sociale kanë përgëzuar paraqitjen dinjitoze të Amir Elezit në këtë debat televiziv. /nerashti.com